Entrega de diplomas ao alumnado colaborador

 

Por fin chegaron os diplomas do alumnado colaborador do curso pasado e xa fixemos entrega deles. Agradecemos todo o traballo realizado ao longo do curso. Este ano seguen parte deles e incorpóranse outro alumnado, sobre todo de 1º da ESO. Graciñas!

Os retos da biblio

A biblioteca ten preparados unha serie de retos para realizar ao longo do curso. Todos eles están pensados para traballar a compotencia AMI (alfabetización mediática e informacional) e a dedución lóxica. 

Cada mes proporemos un reto distinto e acadaredes puntos (selos) pola correcta solución, pero tamén pola data de entrega. En cada reto explicaremos os puntos da solución. En canto á data de entrega, daranse catro selos se a entrega da ficha se fai durante a primeira semana do mes; tres, se se entrega na segunda semana; dous, na terceira; e un, na cuarta. Na ficha, que recolleredes na biblio, poñeredes os vosos datos, a solución e o día de entrega, porque en caso de empate, teremos en conta o día concreto da semana. Oo final de curso daremos un agasallo a quen gañe o concurso!

Podedes e debedes botar man da vosa familia para que vos axude na resolución. Aproveitade para descubrir todo o que saben! De feito no 1º reto podedes pasar un bo intre e ata podedes botar unhas risas!

O día 1 de outubro publicaremos no blog o 1º reto. Tamén estará nos taboleiros da biblio. Estade atentos!

Formación de usuarios

 

Momento da formación de usuarios en 2º da ESO

A primeira semana do curso, do 12 ao 16 de setembro, fixemos a formación de usuarios para todo o alumnado porque houbo moitos cambios na biblioteca e cumpría aclaralos a toda a comunidade educativa.

Pasaron todos os cursos polas bancadas. Cos de 1º da ESO a formación foi máis específica. Compartimos actividades e xogamos un pouco!

Benvida ao curso 2022-23

 Ola a todas e todos!

Xa estamos de volta! E máis cedo ca nunca. A aula creativa xa ten as portas abertas e a biblioteca está chea de libros, películas, xogos,... esperando que os recollades.

Por fin recuperamos a normalidade e, con ela, os espazos perdidos, así que volvemos a ter zonas de lectura informal espalladas polo centro; e os xogos saen da biblioteca para que poidades pasalo ben sen molestar.

Lembrade que usamos un programa de xestión novo, o Koha, polo que xa non é preciso o número de lector que vos dabamos antes. Tamén temos á nosa disposición a plataforma E-LBE.2 para a lectura  en formato dixital, pero ademais contén outros fondos (podcast).

Axiña poremos en marcha a "Hora de Ler", así que pasade a recoller as vosas lecturas á biblioteca, que temos libros novos, interesantes e ben bonitos.

Vémonos nas sucesivas formacións de usuarios da próxima semana, durante as cales buscaremos "voluntarias e voluntarios" de biblioteca, membros para o club de lectura e un posible club de radio,... Apúntaste?

Ata daquela!

Colaboradores de biblioteca

 No acto final de curso o alumnado colaborador de biblioteca recibiu cadanseu agasallo por todo o traballo realizado. Na imaxe temos o momento en que o recolleron. Parabéns e moitas grazas.

Autopublicación de libros

O Equipo de Dinamición da Lingua Galega, en colaboración con biblioteca, deu impreso tres libriños que con material elaborado nas distintas materias, en concreto Ciencias Naturais e lingua galega; dous deles relacionados co PDI do centro: "O Meaño que queremos".

Ficharemos na biblioteca un de cada; os outros servirán de agasallo para o alumnado e as profesoras que o levaron a cabo. O terceiro, Telleiras e telleiros de Meaño, ademais será entregado ao autor, quen o elaborou de neno como un traballo escolar, coa colaboración de seu pai.

Fonte e lavadoiros de Meaño

O alumnado de Ciencias Naturais elaborou un rexistro das fontes e dos lavadoiros do concello de Meaño; buscaron, recolleron información, localizaron as súas coordenadas... Un traballo ben completo. Biblioteca encargouse de recoller todo ese traballo neste libriño:

Fontes e lavadoiros de García Sumay María Cruz

Libro de haikus

  Froito da colaboración entre a materia de Lingua Galega e a Biblioteca, sae este libriño de haikus. A metade deles están dedicados á guerra en Ucraína. Esperamos que vos guste:

Yomogi Font de García Sumay María Cruz

Libro de haikus

Cómic en Francés

 O alumnado de 1º da ESO está creativo, así que da man da súa profesora de Francés, Sandra Sánchez, puxéronse a elaborar cómic neste idioma. Crearon obras ben bonitas. Botádelles un ollo:

Charla de Pablo Piñeiro e Fran Perea

 O Equipo Directivo, o Departamento de Orientación e Biblioteca púxose en contacto con Pablo Piñeiro, un exalumno do centro, para que nos viñese dar unha charla aos grupos de 3º e 4º da ESO sobre as perspectivas de futuro. Pablo lembrou os seus anos no centro e como probou múltiples facetas e actividades na súa vida: foi deportista (xogador de fútbol), escritor (temos na biblio un exemplar do seu libro De tu corazón a mi libro), modelo e actor. A súa visita trouxo sorpresa, xa que veu acompañado de Fran Perea, con quen actúa no espectáculo Lo que te contaron del amor, e que participou tamén na charla. Houbo autógrafos, alumnado que quería coñecelos,... e tamén algún profesorado! O mellor é que o alumnado quedou encantado.

Lara entregándolles uns agasallos.

O alumnado de Física e Química na aula creativa

 A nosa nova aula creativa dá moito xogo. Estes días o alumnado de 3º da ESO está elaborando unhas táboas peiódicas interactivas. Traballan en conxunto na materia de Tecnoloxía e Física e Química. E que mellor espazo para facelo que na aula creativa?

Día do Libro

 Este ano Biblioteca celebrou o Día do Libro xogando e lendo en compañía. Fixemos tamén unha exposición cos libros que relacionados coas bibliotecas, as lecturas, e con queles outros que chamamos "bonitos", obras preciosas que temos na biblio e animan a botar unha ollada.

As lecturas compartidas correron a cargo de dúas profesoras de lingua, castelán e galego, que leron dous contiños durante o 2º recreo do mércores 20 e do xoves 21 de abril na zona de bancadas da nova aula creativa/biblioteca.

Mari, profe de lingua castelá, durante a lectura compartida.

O venres reservámolo para un kahoot sobre os libros e as lecturas. Participou unha boa manchea de alumnas e alumnos, quizais porque había premios: dous libros para as dúas alumnas que obtiveron maior puntuación e unha rosa para a 3ª clasificada! 

Deixamos aquí o enlace ao kahhot: https://create.kahoot.it/share/dia-do-libro/945e7ce7-31d7-4e89-99b7-d8e2180c6f86

Haikus pola paz

 O alumnado de 2º da ESO traballou en Lingua Galega o haiku. Biblioteca animounos a elaborar unha serie deles motivados pola guerra en Ucraína. Deste xeito, a rapazada achegouse á sociedade e fíxose partícipe da dor e o sufrimento do pobo.  Vaia, que a guerra entrou tamén nas aulas, e o alumnado amosou unha sensibilidade incrible. Finalmente expuxéronse na entrada do centro.