Contacontos no cole de Coirón

O 11 de xuño un grupo de alumnas e alumnos de 3º da ESO da materia de Plástica foron ata o cole de primaria de Coirón para contarlle contos ao alumnado das tres aulas de Infantil. Contáronlles catro contos en galego a nenos e nenas de 3, 4 e 5 anos. 

Versionaron contos xa coñecidos: "A mosca chosca", "A que sabe a lúa?", "Feroz, o lobo" e "O Boneco". A actividade tiña tamén a parte plástica dos contos, tal e como se pode apreciar nas fotos.

A experiencia foi marabillosa, tanto pola cara de ilusión dos máis pequenos e das máis pequenas, así como pola capacidade do noso alumnado para transmitir os contos e empatizar coa cativada.

LUÍSA VILLALTA

O alumnado de 2º da ESO estivo traballando sobre Luísa Villalta. Leron poemas, uns escollerons e decoraron os fragmentos que máis lles gustou, outros continuaron os poemas e outras elaboraron unha liña temporal da autora ou fixeron caligramas.

Tamén visitaron o panel sobre a autora enviado pola Xunta de Galicia

Revista BiblioActiva

Un grupo de alumnas do Proxecto Competencial BiblioActiva editou esta pequena revista con información de interese para o alumnado: 

Pódese ver neste enlace.

Por se xorde algún problema, deixamos tamén as páxinas:

Revista

Obradoiro sobre experimentación e creación musical na bilio

Pedro Iglesias acudiu ao centro para dar o obradoiro "Experimentación e creación musical na bilioteca" ao alumando dos Proxectos Competenciais RadioActiva e BiblioActiva e outro voluntario. Ademais de pasalo moi ben, aprendemos tamén de circuitos! E deunos moitas ideas para implementalas na nosa radio.

Bolboretas de morte

 O departamento de Plástica traballou co alumnado de 4º as "bolboeretas de morte": tras un período de investigación, deseñaron unhas mostruosas bolboretas que decorou a entrada da biblioteca:

Día da Paz

 

O departamento de Plástica elaborou un mural contra a guerra na entrada do centro, seguindo a estética dos graffitis de Banksy. Deixámosvos unhas imaxes do resultado e do proceso.:

Reto de maio: Localízate!

 O último reto deste curso está relacionado co noso PDI, O Meaño que queremos. Pedímosvos que localicedes os seguintes enclaves co concello, collidos de Google maps.

Debedes indicar que lugar ou edificio é o que se mostra e en que parroquia se atopa. 

Xogade coa familia, entre todos seguro que o resolvedes axiña.

Formación de Rede Espora co alumnado

 Hoxe Denís, da Rede Espora, vou formar o alumnado dentro do Programa Radio na Biblio. Aprendemos moito da parte técnica: como manexar o equipo, gravar o programa, introducir música,... e tamén de locución e elebaración de programas. Ademais deixounos recursos para que enriquezamos as nosas producións. Agora seguro que nos saen uns podcast chulísimos!

Momento da charla de Denís.

O alumnado preparando o programa.

Aprendendo como gravar.

Gravando o programa.

Gravando o programa.

Día de Rosalía

 

O Equipo de Dinamización da Lingua Galega, xunto cos departamentos de Plástica e Lingua Galega e coa colaboración de Biblioteca realizaron unha serie de actividades para conmemorar esta data. En Lingua Galega de 3º da ESO puxeron a voz de Rosalía aos problemas actuais. O alumnado de 1º tamén pasou polas clases, na Hora de Ler, para recitar poemas da autora:

Plástica realizou co alumnado de 1º da ESO unhas chapas relacionadas coa autora: partiron da súa imaxe e de versos seus para crear imaxes e tratalas con programas informáticos. Estas chapas repartíronse a todo o persoal do centro.

Ademais tamén se realizaron coa gravadora e cortadora láser uns marcapáxinas de coiro coa silueta de Rosalía de Castro xunto a uns versos seus; estes marcapáxinas danse de agasallo estes días na biblioteca a quen colla libros en galego!

Nesta imaxe vemos a cortadora láser traballando nos marcapáxinas

Así é o resultado final

Xornada de Radio na Biblio con Rede Espora

 Este xoves pola parte veu Cristina de Rede Espora darnos unha charla ao profesorado sobre o uso da radio no ámbito escolar; achegounos ideas, propostas, melloras técnicas... Axiña continuará a formación co alumnado.

Aquí deixamos dúas imaxes da formación.

Día Mundial da Radio

Este é o programa realizado co gallo do Día Mundial da Radio. Foi elaborado e locutado por un grupo de dúas alumnas, Nerea e Lara, e dous alumnos, Iker e Adrián, de 2º da ESO.

Día Mundial da Radio

Momento da gravación.

Fragmento do programa.

Reto de febreiro: Por onde andas?

 Este mes propoñémosvos a lectura de mapas. Sodes conscientes de toda a información que podedes atopar neles? Xa sabemos que hoxe tedes a man google maps que vos leva a onde queirades, pero moitas veces ese servizo non estará dispoñible ou levaravos a onde non queredes!

Seredes quen de atopar as respostas deste reto? Lembrade que temos un gran mapa de Meaño na parede exterior da aula creativa, que pode axudar moito! Ademais, aproveitade para falar coa familia, seguro que vos poden orientar. Na biblioteca temos mapas máis pequenos de Meaño, Galicia, España, Europa... Non dubidedes en vir a consultalos. Tamén temos nela as fichas que debedes cumprimentar!

Aquí vos deixamos o novo reto:

Reto de xaneiro: Descifra!

 Presentamos os retos de xaneiro. cómpre que descifredes  xeróflifos. Botade man da familia e pasade un intre divertido. Xa sabedes, imaxinación, moita imaxinación e humor.

Pasa pola biblioteca para recoller a ficha que debes entregar coa solución. Debes resolver oito xeróglifos e escribir o resultado na ficha; lembra poñer o número dos elixidos. Sorte!

Reto de decembro

 Aquí está o reto de decembro. A idea é pasalo ben e comprobar a vosa capacidade de expresarvos musical e corporalmente. Sodes torpes? Cantades mal? Que máis dá!, é Nadal e as vacacións están aí á vista!

Xa sabedes: catro selos se vindes ou entregades o vídeo a 1ª semana; dous selos se o facedes na segunda... E desta teredes selos pola orixinalidade (a forma de cantala, a elección da panxoliña, bailes); pola interpretación vocal ou musical (seremos xenerosos!); polo disfrace; e pola coreografía (buscade quen baile convosco).

Lembrade que o premio é unha tablet!!!!

Charla de Paco Basanta e Sara Meijide

 O locutor deportivo Paco Basanta e a xornalista Sara Meijide, ambos os dous da Cadena Ser Lugo, colaboraron coa materia de Radio dando unha charla ao alumnado de 2º da ESO. Aprendemos moito, sobre todo, como falar na radio ou elaborar un programa. Foi un xeito ben fermoso e útil de achegar as familias ao centro. Grazas aos dous polo amabilidade e disposición. Esta charla é froito da colaboración entre o Equipo de Biblioteca e o Departamento de Lingua e Literatura Galega.

Momento da videoconferencia

Alumnado de 2º ESO do Obradoiro de Radio (STEAM II)