RETO 1 (OUTUBRO): Adiviña, adiviñanza, onde se atopa a cabaza?

Presentamos o PRIMEIRO RETO do ano!

Seredes capaces de atopar todas as cabazas e resolver as adiviñas? Na biblioteca tedes a ficha coas casiñas para cubrir.

Boa sorte! 🎃

Bolboretas de morte

 O departamento de Plástica traballou co alumnado de 4º as "bolboeretas de morte": tras un período de investigación, deseñaron unhas mostruosas bolboretas que decorou a entrada da biblioteca:

Contos de Samaín

  

Este curso o concurso literario de medo estaba aberto á narrativa, en todas as variantes, e á poesía. Triunfaron os microrrelatos e os poemas. Deixámosvos os textos gañadores.

O 1º premio de lingua castelá foi para Nerea Garrido Martínez de 3º A por este microrrelato:

EL DIBUJO

          Es el primer día de Álvaro en su nuevo colegio. Su compañero Marco es muy rebelde, por lo que no se llevan bien.

-          Para presentaros, necesito que os dibujéis a vosotros mismos, y que escribáis vuestro nombre- dijo a profesora de plástica.

 

En el cambio de clase, ya con su dibujo terminado, Álvaro le preguntó:

 

-          ¿Puedo ir al baño?

-           

La profesora asintió.

 

El compañero de Álvaro quiso hacerla una jugarreta y rompió el dibujo.

 

Minutos después, la profesora de música encontró a Álvaro descuartizado en el pasillo.

O primeiro premio en lingua galega foi para María Luísa Muñiz Chaves de 2º B con este microrrelato:

A PORTA

 

Estaba no salón do meu piso. Acabara todo o traballo que tiña. Era hora de ir á cama.

*Ding, dong…*

“Nin dez minutos hai que fun durmir!” –pensei-. “Quen é o tolo que chama a estas horas?... Claro, TIÑA que ser EL!” –dixen cunha voz retórica.

Achegueime á porta e polo burato vin todo. Non o podía crer.

O corredor tiña todas as luces rotas, as paredes estaban manchadas de sangue e xusto detrás da porta encontrábase ela.

Quen o ía supoñer? Tiña que ser a miña veciña, a tola, a que matara aquelas persoas...

*PUM, PUM*

-SEI QUE ANDAS AÍ! NON TE AGOCHES! ONDE ESTÁ O MEU FILLO?!

Marchei para atrás. Estaba aterrado. Como o sabía? Fun ata a cociña e collín a tixola.

*PUM!*

- BRUNO, ONDE ESTÁS?

“Estou morto.” –foi o último que pensei.

Os finalistas foron, en lingua galega, Breixo Padín García de 2º B cunha colección de microrrelatos:

A MALA NAI

Estaba na cama, e de repente entrou na miña habitación.

 

ESE HOME

Espertei no mesmo cuarto de sempre; vino pola ventá, outra vez.

 

AFÚNDESE NO MAR

Cando estaba tranquilamente relaxado, escoitouse un ruído. Non sei se conseguirei salvarme.

 

A BOMBA

Escoitábase un asubío; non era do vento. Nun intre envolveuse todo dunha luz que cegaba.

 

A DEPRESIÓN

Esperto, visualizo a habitación; vexo todo escuro.

Paseo polo parque; vexo todo escuro.

Achégome a unha ponte que hai pola rúa.

De repente todo terminou.

 

ESTAME MIRANDO

Sempre que vía o armario, miraba para el. Ata que un día abriu a súa porta.

Finalmente, a finalista en lingua castelá foi Inés Sabín Novás de 3º B co seguinte poema:

LA HABITACIÓN

 

En la noche oscura, el miedo se desliza,

las sombras acechan, el corazón de aprieta,

un eco macabro, el alma inquieta,

en la penumbra, el terror de eterniza.

 

Susurros helados, la luna se reflejan,

donde un sin rostro sus secretos guarda.

El viento aúlla y la razón se queja,

la penumbra envuelve, la cordura vacila.

 

Los pasos resonantes en el pasillo,

el alarido en el rincón más sombrío,

el miedo, el frío, el abismo del vacío.

 

En cada esquina, la muerte acecha,

la mente se enreda, el miedo se derrama,

en este poema, el terror se desplaza,

en la oscuridad, el espíritu se desgana.

Aproxímase o SAMAÍN...

 Bos e terroríficos días!

Como xa saberedes aproxímase o Samaín e para darlle a benvida como se merece, presentamos... Un CONCURSO DE RELATOS DE TERROR! Deixade voar a vosa imaxinación e animádevos a escribir un poema, un relato ou un microrrelato. A data límite é o 20 de outubro. Achegamos o póster, que está na cristaleira da biblioteca, con máis información.

Por outro lado, tamén damos comezo aos RETOS MENSUAIS! Estade moi atent@s porque proximamente publicaremos o primeiro no blogue...

Xa para finalizar, os nosos compañeiros farán un "noticieiro" cada certo tempo sobre noticias que ocorran no centro.

Asustámonos pronto... 👻

Benvid@s a un ano CREATIVO!

Ola a todas e todos!

Somos o grupo de BiblioActiva de 4ºA (curso 23/24) e queremos darvos a benvida a este novo e CREATIVO ano escolar. Tamén aproveitamos para presentar o noso RECREO CREATIVO, para o cal xa temos dispoñible na biblioteca unha TÁBOA DE IDEAS onde podedes recomendar libros, propoñer actividades ou calquera cousa que se vos ocurra. Animádevos!

Lémonos pronto... 👀

Día da Paz

 

O departamento de Plástica elaborou un mural contra a guerra na entrada do centro, seguindo a estética dos graffitis de Banksy. Deixámosvos unhas imaxes do resultado e do proceso.:

Creación artística do alumnado do IES

Ola a todas e todos!

Como este curso o PDI do centro está destinado a nós, queremos abrir unha sección no blogue na que o alumnado poida expoñer as súas creacións artísticas: debuxos, composicións musicais, contos, poemas, fotografías... 🎨🎶✏️📷

Mandade un correo a biblioteca@iesmeanho.com co arquivo ou entregádenolo en man.

Curtametraxe "O taller"

O alumnado de 2º ESO participou no obradoiro "Cinema con perspectiva" dentro do proxecto competencial de Audiovisuais. Deixamos aquí o enlace a unha das curtas, protagonizada por Eva Miguéns, Yassir Habib, Adam Piñeiro, Adrián Martínez e Miguel Carballo; coa axuda do equipo técnico de guionistas, cámaras, son e produción.

https://drive.google.com/file/d/1iI5R-N0AUXHHWunZXkOy_mATvOVo5DBJ/view

Reto de maio: Localízate!

 O último reto deste curso está relacionado co noso PDI, O Meaño que queremos. Pedímosvos que localicedes os seguintes enclaves co concello, collidos de Google maps.

Debedes indicar que lugar ou edificio é o que se mostra e en que parroquia se atopa. 

Xogade coa familia, entre todos seguro que o resolvedes axiña.

Reto de abril

Un pouco máis tarde do habitual pero por fin chegou o reto de abril. Como este mes se celebra o Día do Libro, queremos facerlle unha homenaxe, polo que desta teredes que facer unha xincana que vos levará por distintos recunchos do centro nos que hai libros. En cada unha desas zonas haberá unha tarxeta co que debedes facer e a onde tedes que ir despois. As pistas non sempre están moi claras, así que botádelle imaxinación!

Tedes que coller na biblio a ficha que debedes cumprimentar, nela hai espazo para poñer os vosos datos e para a solución final (unha frase longa que iredes descubrindo nos libros). A primeira pista está no cartel. Boa sorte e feliz abril!

O alumnado de 2º da ESO no Centro de Día

 Hoxe parte do alumnado do IES de Meaño foi recitar poemas ao Centro de Día de Meaño. Esta actividade realizouna o departamento de Lingua Castelá e colaborou o Equipo de Biblioteca. Na calse prepararon os poemas, aprenderon a recitar, a vocalizar e xesticular, e, por suposto, a memorizar. Despois de recitalos na aula, animáronse a facelo fóra o IES. Foi un éxito total!

Se clicades enriba da imaxe podedes ver o libro que crearon e o nome dos rapaces e rapazas que recitaron os poemas.

Formación de Rede Espora co alumnado

 Hoxe Denís, da Rede Espora, vou formar o alumnado dentro do Programa Radio na Biblio. Aprendemos moito da parte técnica: como manexar o equipo, gravar o programa, introducir música,... e tamén de locución e elebaración de programas. Ademais deixounos recursos para que enriquezamos as nosas producións. Agora seguro que nos saen uns podcast chulísimos!

Momento da charla de Denís.

O alumnado preparando o programa.

Aprendendo como gravar.

Gravando o programa.

Gravando o programa.

Día da muller: 8 de marzo

 Deixamos aquí o programa de radio realizado polas alumnas de 2º B Yáiza, Iria, Nerea Enríquez e Sara Fandiño na materia STEAMII-Radio 2º B.

Programa de Radio Día da Muller

Deixamos un momento da gravación.