A amteria de Educación Física fixo co seu alumnado unha recollida de deportistas do concello de Meaño, e, entre eles e elas, hai varias alumnas e ex alumnos do centro. Hai moita variedade de deportes. Con todo o seleccionado, elaboraron un cartel que foi un dos máis vistos deste curso!
Un ano máis chega o 8 de marzo e o IES de Meaño desprega a súa pancarta para berralo ben alto. Na materia de Igualdade, o alumnado de 2º da ESO traballou arreo para conmemoralo e lembrar a todas aquelas mulleres que nos deixaron este ano por mor da violencia de xénero. Para iso ofreceron a súa particular visión desta violencia a través da metáfora visual. Cada unha destas caixas, que se colgaron na biblioteca, serviu para amosar a súa particular visión deste problema social.
Este mes de febreiro o noso centro participa na campaña "21 días co galego e +". Todo o alumnado, profesorado e persoal non docente está moi implicado coa actividade; e a biblioteca non ía ser menos. Cada semana facemos unha exposición de fondos en galego. A 1 semana dedicámoslla á literatura no noso idioma.
Deixamos unhas mostras da variedade de deportistas seleccionadas e seleccionados:
Chegou o día en que alumnado de 2º e 4º transmite a información que nos achegaron Tino Hermida e Benito Orge. Empezaron dándolles a charla aos compañeiros e compañeiras de clase:
Arancha explicándolle á clase de 2º C os petróglifos da Sobreira.
Silvia falando do castro de Dena e das pedras de muíño atopadas
O FAro de Vigo sacou unha reportaxe sobre a charla de Tino Hermida, xunto con Benito Orge, no noso centro para falar do patrimonio do concello.
O día 10 de decembro o profesor de Historia e xornalista Tino Hermido veu darnos unha charla ao IES sobre o patrimonio de Meaño. Estas conferencias entran dentro da fase de sensibilización do PDI deste ano "O Meaño que queremos".
Como non puido asistir todo o alumnado, fixemos dous grupos cunha selección de rapazas e rapaces de 2º e 4º da ESO para que sexan elas e eles quen transmitan ao resto do alumnado o que Tino Hermida lles comunicou sobre o noso patrimonio.
A biblioteca converteuse neste mes nun fervedoiro de experimentación. Alumnas e alumnos de diferentes cursos viñeron durante os recreos á biblioteca facer experimentos para todo o mundo. Foi un auténtico éxito, tanto polos experimentos feitos como polo público que acudiu. O alumnado logrou transmitir diante dun público rigoroso (con profesorado incluído) os seus coñecementos sobre ciencia. Noraboa a todas e todos!
Tamén expuxemos os libros de ciencias máis novos que acabamos de mercar, xunto con outros que nunca pasan de moda!
Inflando un globo con vinagre e bicarbonato
O alumnado de 3º da ESO en lingua galego creou cantigas seguindo o modelo das medievais. Fixeron grupos e repartiron papeis: copistas, trobadores, documentalistas,... E o resultado non puido ser máis fermoso, pois crearon carteis cos poemas que decoran as paredes do centro. Unha boa forma de traballar a competencia AMI (procura de información, reelaboración e trasnsmisión) entre outras moitas (dixital e aprender a aprender, por exemplo) e por xuposto a creación literaria. Noraboa aos rapaces e ás rapazas e, por suposto, á profesora María Hervés!
