Contacontos no cole de Coirón

O 11 de xuño un grupo de alumnas e alumnos de 3º da ESO da materia de Plástica foron ata o cole de primaria de Coirón para contarlle contos ao alumnado das tres aulas de Infantil. Contáronlles catro contos en galego a nenos e nenas de 3, 4 e 5 anos. 

Versionaron contos xa coñecidos: "A mosca chosca", "A que sabe a lúa?", "Feroz, o lobo" e "O Boneco". A actividade tiña tamén a parte plástica dos contos, tal e como se pode apreciar nas fotos.

A experiencia foi marabillosa, tanto pola cara de ilusión dos máis pequenos e das máis pequenas, así como pola capacidade do noso alumnado para transmitir os contos e empatizar coa cativada.

Contando contos

Este 30 de maio o alumnado de 3º da ESO, na materia de Plástica, contoulles contos en galego e inglés ás rapazas e rapaces de 6º de primaria que viñeron a coñecer o seu futuro centro; foi durante a xornada de portas abertas. Tratouse de animalos a coller a sección bilingüe que se dá no noso IES nesta materia. Deixamos unhas fotos do momento:

A continuación deixamos unhas imaxes da presentación que fixeron: