Celebración do 25N

    25N: Voces que non calan!

    Bo día! Estades preparados para un dos días máis importantes de todo o ano? Nós estamos máis que listas para afrontar este día cheo de expectativas. O 25N é unha data para denunciar todas aquelas violencias recibidas polas mulleres e os seus fillos. Este día foi escollido para lembrar as irmás Mirabal, que foron brutalmente asasinadas na República Democrática en 1960 por ser mulleres e activistas. Son coñecidas como “As bolboretas”.

    En primeiro lugar, todas as compañeiras de BiblioActiva estivemos traballando nun programa de radio para recordar a importancia de facernos fortes coa nosa voz e non quedar caladas ante as inxustizas. Este programa foi escoitado por todo o centro no pavillón. Alí as nosas compañeiras de 4ºESO fixeron unha exposición sobre varias mulleres que sufriron violencia de xénero. 

    Tamén fixemos actividades na clase, como un cuestionario relacionado coa celebración do día e outras dúas actividades feitas por Lourdes Atencia Ruiz sobre a prostitución, como unha forma máis de violencia sobre as mulleres que tendemos a normalizar. Achegamos as dúas últimas para todo aquel que teña interese en facelas:

Actividade 1       Actividade 2

    Dende a biblioteca tamén se colaborou para facer este día moito máis importante, recompilando libros que xiran ao redor do tema, así todos podemos aprender máis cousas e estar alerta.

A celebración do Samaín

A celebración do Samaín

Bo día!! Como estades? Nós aterradas ante o terrorífico túnel do terror que nos tiñan preparado para este pasado xoves 30. 

O alumnado de 3ºESO axudou na decoración da biblioteca, creando así unha atmosfera fantástica para ler os relatos de medo. Foi un día cheo de risas e sorpresas, grazas aos mestres, que organizaron o concurso de relatos e aos alumnos e alumnas de 4ºESO, que organizaron o concurso de pasteis, disfraces e o kahoot.

Achegamos algunhas imaxes arrepiantes sobre a celebración:

O concurso de relatos foi gañado polas nosas excepcionais compañeiras:

• Iria Padín Cores, Laura Bouzas Balboa e Oliva Julia Katscher Vidal de 3ºB e Noa Senra Varela de 1ºB.

O concurso de disfraces ganárono os nosos compañeiros, que se disfrazaron da Santa Compaña, moi orixinais, non creedes? Aquí os tedes:

• Lucas Buceta Mosteiro, Rubén Lorenzo Canizo, Gael Fernandez Berreco e María Vallejo Garrido de 3ºA.

Rematamos a celebración do Samaín comendo castañas ata empachar. O que ben comeza ben remata.

Agardamos a vosa asistencia o vindeiro curso, para seguir compartindo medos, relatos, risas, castañas, pasteis...

Ata a próxima!

 Con esta noticia anunciamos a reapertura do blog da biblioteca!

Este curso o blog será levado polas alumnas de BiblioActiva: Iria, Lara, Laura e Olivia. Que agradan facervos devorar experiencias con cada lectura.

Este ano abrimos o blog cunha noticia moi agradábel para tod@s. O pasado martes sete de outubro, o encantador Artur, deleitounos cun marabilloso obradoiro de teatro radiofónico. Ese día aprendemos moitísimo, como a importancia da actitude ao falar ou da nosa expresión corporal cando queremos comunicar algo. Traballamos a expresión oral a través da dramatización xa que Artur Trillo é o fundador da compañía Talía de teatro. Todo o aprendido vai influír na atención que nos brindarán os nosos receptores. 

A continuación agregamos imaxes:

I'm Obélix

 

O pasado mércores 28 de maio contamos coa visita de Raquel Fernández, autora da obra I'm Obélix, XVI Premio Jules Verne de Literatura Xuvenil. 

 

 

Esta obra achéganos á crúa realidade do día a día nun instituto calquera, onde ser diferente é un desafío.

O alumnado do noso club de lectura quedou fascinado coa historia do protagonista do libro: Isma, un mozo de 13 anos cunha diagnose de TDAH.

 

 

  

 

 

 

A rapazada do club agasallou á nosa convidada cun marcapáxinas moi especial:

 

 

 

 

 

 

 

A autora foi moi amábel con nós e adicounos a súa obra.

 

 

 

 

Achegamos máis fotografías deste encontro:

 

 

 

  

 

 

   

 

Para cantar veño eu

 

O pasado martes 20 de maio contamos coa visita do artista Marcelo Doboe que nos achegou á música tradicional popular ligada á figura da cantareira galega mediante a fusión de tradición e modernidade.

 

 

 

 

 

Todas e todos puidemos aprender un pouquiño máis sobre música tradicional e tamén cantamos moito!!

 

 

 

E ti xa sabes... 

Para cantar veño eu! 

Eu tamén canto!

 

O pasado venres 16 de maio celebramos o Días das Letras Galegas 2025, dedicado ás cantareiras e a poesía popular oral, por adiantado e ao grande! 

Organizamos un Festival das Letras cun cartel de actividades ben variado grazas ao traballo do noso Equipo de Biblioteca, o Equipo de Normalización Lingüística e o Departamento de Lingua Galega e Literatura. A colaboración do alumnado e do resto de profesorado tamén foi indispensábel para favorecer o bo funcionamento desta memorábel xornada.

 

                          

Queremos adicar un especial agradecemento a Sandra, a nosa coordinadora do Equipo de Biblioteca, polo cariño que amosou durante a organización destas sesións nas que a pandeireta foi a principal protagonista. 

Cómpre destacar o bo desenvolvemento do obradoiro de pandeireta da man da nosa profe Miriam e dunhas alumnas ben xenerosas de 4º ESO que dominan moi ben a arte das ferreñas: Soraya e Noa!

 

O alumnado puido deseñar as súas chapas conmemorativas. Nestas fotografías podemos ver a María, unha das nosas profes de Lingua galega e literatura, con dúas alumnas creativas de 2º ESO en plena faena!

Son unhas artistazas! Que ben quedaron as chapas cantareiras!

 

Tamén tivemos tempo para xogar un poquiño e relacionar o conto de tradición oral con algunhas das cantigas máis representativas da nosa literatura popular coa profe Sofía e a baralla de cartas "Tempo de cantigas", acompañada das ilustracións realizadas polo noso alumnado coa colaboración do Departamento de Educación Plástica. Moitas grazas, Aránzazu pola axuda!

 

 

 

A troula rematou cunha actuación musical do alumnado de 4º ESO e cunha muiñeira grupal na que alumnado e profesorado demostrou as súas dotes artísticas...

Deixamos un vídeo da actuación musical. Algunhas das nosas profes tamén se animaron a cantar! Queremos agradecer a Susana, a nosa profe de Música, a súa paciencia e dedicación!

 

Xa sabes...

Ti tamén podes cantar!